എന്നാൽ അല്പമേ വേണ്ടു; അല്ല, ഒന്നു മതി. മറിയ നല്ല അംശം തിരഞ്ഞെടുത്തിരിക്കുന്നു; അതു ആരും അവളോടു അപഹരിക്കയുമില്ല.
ലൂക്കൊസ് 10:42
ഓരോ ദിവസവും നമ്മെ ചഞ്ചലചിത്തരാക്കുന്ന ധാരാളം വാർത്തകൾ നാം കേൾക്കുന്നു .എത്ര വേഗത്തിലാണ് യേശുവിനോടുള്ള ഏകാഗ്രത നഷ്ടമാകുന്നത്?
മഹാവ്യാധി, യുദ്ധശ്രുതികൾ..... അങ്ങനെ പലതും ....
കർത്താവ് പറഞ്ഞു '"നിങ്ങൾ യുദ്ധങ്ങളെയും യുദ്ധശ്രുതികളെയും കുറിച്ചുകേൾക്കും; ചഞ്ചലപ്പെടാതിരിപ്പാൻ സൂക്ഷിച്ചുകൊൾവിൻ; അതു സംഭവിക്കേണ്ടതു തന്നേ; മത്തായി 24:6
ഈ ദിവസങ്ങളിൽ ആർക്കും അപഹരിക്കാനാവാത്ത ആ ഒരു കാര്യത്തിലേക്ക് മനസ്സുറപ്പിക്കാം.
ക്രിസ്തുവിനോടുള്ള ഏകാഗ്രത, നിർമ്മലത ഈ ദിവസം കാത്തു സൂക്ഷിക്കാം.
ദാവീദ് വലിയ പ്രതികൂലത്തിൻ്റെ മദ്ധ്യേയും ഒന്ന് ആഗ്രഹിച്ചു.അതു തന്നെ അപേക്ഷിച്ചു.
"ഞാൻ യഹോവയോടു ഒരു കാര്യം അപേക്ഷിച്ചു; അതു തന്നേ ഞാൻ ആഗ്രഹിക്കുന്നു; യഹോവയുടെ മനോഹരത്വം കാണ്മാനും അവന്റെ മന്ദിരത്തിൽ ധ്യാനിപ്പാനും എന്റെ ആയുഷ്കാലമൊക്കെയും ഞാൻ യഹോവയുടെ ആലയത്തിൽ പാർക്കേണ്ടതിന്നു തന്നേ."
സങ്കീർത്തനങ്ങൾ 27:4
ഇതു വായിക്കുന്ന നിങ്ങൾ ഈ നിമിഷം മാർത്തയെപ്പോലെ പലതിനെക്കുറിച്ചും വിചാരപ്പെട്ടും മനം കലങ്ങിയും ഇരിക്കുന്നുവോ?
കർത്താവ് വരാറായി.. വേഗം ഒരുങ്ങാം!
ഒന്ന് മാത്രം!
"ഒന്നു ഞാൻ ചെയ്യുന്നു: പിമ്പിലുള്ളതു മറന്നും മുമ്പിലുള്ളതിന്നു ആഞ്ഞുംകൊണ്ടു ക്രിസ്തുയേശുവിൽ ദൈവത്തിന്റെ പരമവിളിയുടെ വിരുതിന്നായി ലാക്കിലേക്കു ഓടുന്നു". ഫിലിപ്പിയർ 3:14
സ്വിൻസൻ ഡോർഫ് എന്ന ദൈവഭക്തൻ ആത്മാവിൽ പാടി " എനിക്ക് ഒരു വാഞ്ച മാത്രം.. ക്രിസ്തു ,ക്രിസ്തു മാത്രം "
ഇവയെല്ലാം സംഭവിച്ചുതുടങ്ങുമ്പോൾ നിങ്ങളുടെ വിമോചനം സമീപിച്ചിരിക്കുന്നതുകൊണ്ട് നിങ്ങൾ തല ഉയർത്തി നിവർന്നു നില്‌ക്കുക.”ലൂക്കൊസ് 21:28
No comments:
Post a Comment