അവൻ തന്റെ അധരങ്ങളാൽ എന്നെ ചുംബിക്കട്ടെ..... ഉത്തമഗീതം 1:2 (a) 

വെളിച്ചം ഉണ്ടാകട്ടെ എന്നു ദൈവം കല്പിച്ചു; വെളിച്ചം ഉണ്ടായി.ഉല്പത്തി 1:3 

ദൈവത്തിന് മഹത്വം .മുകളിൽ കുറിച്ച രണ്ടു വചനങ്ങളിലും ഒരേ വാക്യഘടനയാണ് ഉപയോഗിച്ചിരിക്കുന്നത് .

ഭൂമി പാഴായും ശൂന്യമായും ഇരുന്നു; ആഴത്തിന്മീതെ ഇരുൾ ഉണ്ടായിരുന്നു. ദൈവത്തിന്റെ ആത്മാവു വെള്ളത്തിൻ മീതെ പരിവർത്തിച്ചുകൊണ്ടിരുന്നു. വെളിച്ചം ഉണ്ടാകട്ടെ എന്നു ദൈവം കല്പിച്ചു; വെളിച്ചം ഉണ്ടായി.ഉല്പത്തി 1:2‭-‬3 

ഉല്പത്തി പുസ്തകം ആരംഭിക്കുമ്പോൾ വെളിച്ചം ഭൂമിയിൽ നിറഞ്ഞു .

ഉത്തമ ഗീതം ആരംഭിക്കുമ്പോൾ സ്നേഹം ഹൃദയത്തിൽ നിറയുന്നു.

പാഴും ശൂന്യവും ഇരുട്ടു നിറഞ്ഞതുമായ ഈ ഭൂമിയെ ദൈവം ഫലങ്ങൾ നൽകുന്ന ഒരു ഉദ്യാനമാക്കി .

സ്നേഹം ഹൃദയത്തിൽ തണുത്തു പോയെങ്കിൽ കർത്താവിനോട് പറയാം.എൻ്റെ ഹൃദയത്തിൽ അവിടുന്ന് കല്പിക്കേണമേ "സ്നേഹം ഉണ്ടാകട്ടെ !!

മരുഭൂമി ഉദ്യാനമാകട്ടെ !! 

🌸🌺🌻🌹🌷🌼💐

മരുഭൂമിയും വരണ്ട നിലവും ആനന്ദിക്കും; നിർജ്ജനപ്രദേശം ഉല്ലസിച്ചു പനിനീർപുഷ്പംപോലെ പൂക്കും. അതു മനോഹരമായി പൂത്തു ഉല്ലാസത്തോടും ഘോഷത്തോടും കൂടെ ഉല്ലസിക്കും; ലെബാനോന്റെ മഹത്വവും കർമ്മേലിന്റെയും ശാരോന്റെയും ശോഭയും അതിന്നു കൊടുക്കപ്പെടും; അവർ യഹോവയുടെ മഹത്വവും നമ്മുടെ ദൈവത്തിന്റെ തേജസ്സും കാണും.യെശയ്യാവു 35:1‭-‬2 

🍍🍎🍓🍇🍍🍎🍓🍇🍍🍎🍓🍇